Nuwe verse
1954
Hierdie bundel toon vernuwing op groot skaal; een aspek is die speelsheid en aardsheid van "Klipwerk", baie verwysings na internasionale figure en plekke; heelwat ironie.

Soms word die bundel beskryf as 'n soort  tussenverskynsel: nie meer Gestaltes en diere nie, onderweg na Tristia. Maar dis dalk kommentaar op die logici self eerder as op die bundel. Bundels van Van Wyk Louw was nog nooit "eenhede" soos wat Opperman se Blom en baaierd (1956) in verskeie studies "die bundel as eenheid" genoem word nie. Dis ook nie 'n vereiste dat "logiese" klossing bestreef word nie.
    Van die gedigte wat hierin voorkom, is "Beeld van 'n jeug: duif en perd" 'n heel groot moment as poësie.